TDL vs Standard Tally: Aapko Customization Ki Zaroorat Kab Hai?
Har kisi ko TDL ki zaroorat nahi hoti. Is post mein honestly jaaniye ki kya aapke business ke liye TDL sahi hai?
Aksar log mujhse puchte hain ki kya unhein sach mein Tally ko customize karwana chahiye, ya fir standard version se unka kaam chal jayega? Main hamesha ek bahut direct aur honest jawab deta hoon.
Dekhiye, agar aapka kaam bahut simple hai:
Agar aapke din ke bas thode bahut invoices hote hain, standard GST ki requirement hai aur zyada complicated processes nahi hain, toh standard Tally aapke liye ekdum theek hai. Paise waste karne ki zaroorat nahi hai.
Lekin customization tab zaroori ho jata hai jab:
Aapko aisi reports chahiye jo Tally khud nikal kar nahi deta. Ya fir aap ek se zyada companies chalate hain aur unki combine report dekhni hai. Agar aap apne kisi software ko Tally se connect karna chahte hain, ya billing jaldi karni hai. TDL mein ek baar thoda kharcha aata hai, lekin jo waqt apka bachta hai na, wo sabse keemti hai. Average 3-4 mahine mein hi iski value wapas recover ho jati hai.