Tally Prime Mein Apna Data Safe Rakhne Ke Liye Auto Backup Set Karein
Data ud gaya toh pura business thapp pad jayega. Tension khatam karne ke liye auto backup zaroor lagayein.
Kya aapne kabhi socha hai ki agar kal ko aapka computer kharab ho gaya, hard drive crash ho gayi ya kisi virus ne attack kar diya, toh aapke saalo ke Tally data ka kya hoga? Ye khayal bhi dara dene wala hai na? Isliye backup bhagwan ke barabar hai.
Maine logo ko kaafi baar apna data lose karte dekha hai, isliye mein auto backup suggest karta hoon:
Iske kai tarike hote hain. Aap Local Backup laga sakte hain jo har roz kisi external drive mein copy banata rahe. Ya fir Cloud Backup (Google Drive wagera) par set kar de. Kuch log email par daily backup file mangwana pasand karte hain. Jo bhi ho, yeh automatically hona chahiye, manually karne mein insaan bhool hi jata hai.
Hamesha yaad rakhiye - 3-2-1 rule. Data ki 3 copies honi chahiye, 2 alag-alag jagah par aur 1 offline/offsite. Hamara ek simple TDL aapke data ka auto-backup chalu kar dega aur aap roz aaram se so sakenge.